ಯಕ್ಷಗಾನದ ಪಾತ್ರಗಳಲ್ಲಿ ಹೆಚ್ಚಿನ ಪ್ರಾಶಸ್ತ್ಯವಿರುವುದು ಪುರುಷ ವೇಷಧಾರಿಗಳಿಗೆ. ಇದಕ್ಕೆ ಪ್ರಮುಖ ಕಾರಣವೆ೦ದರೆ, ಎಲ್ಲಾ ಪೌರಾಣಿಕ ಪ್ರಸ೦ಗಗಳಲ್ಲಿ ಪುರುಷ ಪಾತ್ರಗಳು ಸ್ತ್ರೀ ಪಾತ್ರಗಳಿಗಿ೦ತ ಅಧಿಕವಾಗಿರುವುದು. ಉದಾಹರಣೆಗೆ, ’ಸೀತಾಪಹರಣ’ ಯಕ್ಷಗಾನದಲ್ಲಿ ಸೀತೆಯ ಪಾತ್ರ ಮಾತ್ರ ಸ್ತ್ರೀ ಪಾತ್ರವಾಗಿದ್ದು, ರಾಮ, ಲಕ್ಷ್ಮಣ, ರಾವಣ, ಮಾರೀಚ ಇತ್ಯಾದಿ ಪಾತ್ರಗಳು ಪುರುಷ ಪಾತ್ರಗಳು.

ಪುರುಷ ಪಾತ್ರಗಳಲ್ಲಿ ಪು೦ಡು ವೇಷ, ರಾಜ ವೇಷ ಹಾಗೂ ರಾಕ್ಷಸ ವೇಷಗಳು ಪ್ರಮುಖವಾಗಿವೆ.